Ford Ranger សេរ៊ី​ឆ្នាំ ២០១៩ ចេញ​រាង​ថ្មី កម្លាំង​ម៉ាស៊ីនម៉ាកប់

ពិព័រណ៍ Detroit auto show ឆ្នាំ ២០១៨ ពពួក​រថយន្ត Pickup ជា​ច្រើន​ម៉ូដែល​ដាក់​បង្ហាញ​បន្ត​កន្ទុយ​គ្នា រួមមាន Chevrolet Silverado, Ram 1500 និង Ford Ranger ស៊េរី​ឆ្នាំ ២០១៩។ ម៉ូដែល​ថ្មី​របស់​ក្រុមហ៊ុន​អាមេរិក​មួយ​នេះ បាន​បំពាក់​ម៉ាស៊ីន​ជំនាន់​ក្រោយ​ប្រភេទ EcoBoost Four ចំណុះ ២.៣ លីត្រ អាច​ផលិត​កម្លាំង​បាន​ដល់ ៣៥០ សេះ។

ស្ថិត​ក្នុង​ជម្រើស​ទាំង​ប្រភេទ​រត់​ដោយ​កង់​ក្រោយ និង​កង់​ទាំង ៤ ចែក​ជា​ម៉ូដែល FX2 និង FX4 ហើយ​មាន​ប្រើ​ចង្កឹះ​លេខ​ស្វ័យប្រវត្តិ ១០ វគ្គ សហការ​ផលិត​ដោយ​ក្រុមហ៊ុន Chevy។

សាច់​តួ​ខាង​ក្នុង​នៃ​ដៃ​ចង្កូត អតិថិជន​អាច​ទិញ​ទទួល​បាន​នូវ​អេក្រង់ LCD លាត​សន្ធឹង​ដ៏​ស្រស់​ស្អាត​មួយ អម​ជាមួយ​ការ​គាំទ្រ​ប្រព័ន្ធ Apple CarPlay ឬ Android Auto បន្ថែម​រន្ធ​ដោត USB ដូច​ទៅ​នឹង​ស៊េរី​មុន។

អ្វី​ដែល​ពិសេស Ranger ឆ្នាំ ២០១៩ ក៏​បញ្ចូល​នូវ​ប្រព័ន្ធ​សុវត្ថិភាព​ឆ្លាតវៃ​ជា​ច្រើន​ដល់​អ្នក​បើកបរ​រួម​មាន Lane Keeping (ផ្ដល់​ដំណឹង​ដល់​អ្នក​បើកបរ ពេល​រថយន្ត​បើក​ចេញ​ពី​គំនូស​ផ្លូវ), Lane departure warning (ផ្តល់​ដំណឹង​ដល់​អ្នក​បើកបរ​ពេល​ផ្លាស់​ទីតាំង​ជ្រុល​លើ​ផ្លូវ​ធំ), Reverse Sensing (ផ្តល់​ព័ត៌មាន​នៅ​ពេល​ថយ​រថយន្ត), Blind Spot System (ជួយ​ត្រួតពិនិត្យ​នៅ​ពេល​បត់​ចូល​ផ្លូវ​តូច​ឬ​ផ្លូវ​ឆ្លង​កាត់)។​

ត្រៀម​ប្រឡូក​ចូល​ទីផ្សារ​សហរដ្ឋអាមេរិក​ក្នុង​ត្រីមាស​ទី ១ ឆ្នាំ ២០១៩ ដើម្បី​ជា​គូ​ប្រជែង​ជាមួយ​រថយន្ត Chevy Colorado, GMC Canyon, Toyota Tacoma និង Nissan Frontier ជា​ដើម។

ប្រភព៖​ http://news.sabay.com.kh

Facebook Comment